2023 жылғы 16 мамырда  қостанайлық фотосуретшілер Иван Мармалиди мен Сергей Лидің «Аrt Fusion"көрмесінің ашылуы өтті.

Бұл жұмыс жасау стилі, техникасы және орындау тәсілі бойынша екі түрлі автор. Сондықтан көрме «Art Fusion» деп аталады. Ол «үйлеспейтіннің үйлесуі»  болып табылды.

Иван Мармалиди - кәсіби фотосуретші. 50 жылдан астам фотосуретпен айналысады. Репортаждық түсірілім шебері. Ол фотосуреттің барлық жанрларында - сюжетте, портретте, пейзажда, натюрмортта бірдей жақсы жұмыс істейді. Оның төрт жеке көрмесі өтті.

Сергей Ли – графикамен айналысатын кәсіби суретші. Бірақ екі мыңыншы жылдардың басында ол цифрлық өнерге қызығушылық танытты. Ол өзінің туындыларын digtal art стилінде жасай бастады – яғни сандық түрде көркем шығармалар жасады.

Теміртау көрерменіне 56 жұмыс ұсынылды. Иван Мармалиди стандартты фотосуреттің форматына келмейтін  ақ-қара және түрлі-түсті суреттер сериясын ұсынды. Бұл багетсіз фотосуреттер. Сергей Ли квадрат формаға жазылған сандық графикалық туындылар көрсетті. Оның туындылары - кейде мағынасы кең плакаттық үндеулерге айналатын философиялық пайымдаудың бір түрі.