2018 жылғы  22 ақпанда Теміртау қалалық тарихи-өлкетану музейінде Теміртау қаласындағы неміс, корей және «Дуслық» татар ансамблінің - алғашқы этномәдени орталықтардың құрылғанына 30 жыл толуына орай "Дәстүр сақтаушылары" атты этномейрам өтті.

Музейдің көрме залы, этномәдени орталықтардың құрылу тарихы мен қызметі туралы толық ақпарат беретін, үш экспозициялық блоктан тұратын шығармашылық алаңға айналды. Блоктар сырмақтарда орналасқан, бұл қазақстан жері өз уақытында көптеген халықтар, соның ішінде неміс, корей, татар халықтары үшін екінші Отанға айналғанының белгісі. Экспозициялық фотоматериал бізді 90-шы жылдарға аттандырады, әлі күнге дейін жұмыс істеп отырған орталықтардың берік іргетасы дәл сол кезде қаланған. Фотосуреттерде бірінші басшылар, шығармашылық кездесулер, мерекелер, жұмыс сапарлары бейнеленген. Олардың қызмет ету географиясы - бұл тек Теміртау қаласы ғана емес, сонымен қатар Қарағанды өңірі, Алматы, Мәскеу, Қазан және тіпті шетелдік гастрольдер де бар. Олардың жетістіктері грамоталармен, кубоктармен, медальдармен бекітілген. Материалдық мәдениет дәстүрлі элементтері мен кестелері бар халық костюмі ерекше орын алатын қатарда көрсетілген.

Қонақтарды этномәдени орталықтардың өкілдері - неміс "Фольксштимме", корейлік "Кореяна" және "Дуслық" татар фольклорлық ансамблі, қонақжайлық дәстүрлерді көрсете отырып, ұлттық әндермен, ұлттық тағамдармен қарсы алды.

Мерекеге "Мирас" колледжінің студенттері мен өз достарын мерейтоймен құттықтауға келген қаланың этномәдени орталықтарының өкілдері қатысты.